بعض مصطلحات التهييس المصرية
صباحو زبادى
ده قاموس الروشنه للشباب المدحرج
أستمورننج:
لفظ يقال في الصباح بغرض تناول الطعام أو التدخين ، أو شرب الشاى علشان يفوق الشباب من نومهم، مثل " هاروح اعمل أستمورننج علي القهوة وجاى "
الأبلتين لدع في دهاليز الحياة:
عباره تدل على الفوضى فى الحياه وبتتقال على طول لما تكون مفلس والحاله دنك
أديها جاز ياعباس:
دى بقى بيقولها الشباب السيكى بيكى اللى بيشعلوا الخناقه " أدى الخناقة جاز علشان تولع أو شعللها "
أيه النظام:
عباره بمعنى ايه الموضوع " أيه النظام .. النظام في العظام "
"وتعنى الروشنه"والنبى حجر كمان
أتشبح:
ده بقى معنى الضرب لدرجه التعذيب,وتقال"شبحته"يعنى من الاخر ظبطه مابقاش فيه نفس
أتم:
والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه "
أتوبيس راجع بضهره :
ههههههههه "دى بقى بتتقال على البنت الغير جميله" وليها اسماء اخرى "صب حته واحده","كره كفر"
أعلمه :
وهذا مصطلح يعنى التشوية في جزء من الوجه بآله حاده ، زى ماقال محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه "
أمبلايز :
يعنى" في القشوش " يعنى الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة محطمه
الأتارى:
ماتخافوش دى عربيه البلويس
ادعك الفانوس:
يعنى اختفى دلوقتى عملت اللى عليك "ادعك الفانوس دلوقتى"
أنزل من علي ودنى:
يعنى كفايه رغى الله يخرب بيتك
كله فى السكرته:
يعنى كله تمام ياريس
هتعملى فيها هركليز:
عباره للى شايف نفسه زى محمد سعد كده ولو شوفتك ياسعد هظبطك
افتكس:
دى بقى كلمه بتعنى التاليف والاختراع
أستكانيس:
الراحه والرفاهيه والمتعه وتقال " انا مستكانيس كده " اى انا مرتاح جداً بهذه الطريقه
هنروح المولد:
دى بقى بتتقال على الحته اللى فيها بنات كتير
اى خدعه
واتمنى ان يكون شرحى واضح ودقيق وايدى فى ايدكم
ياريت اللى عنده مصطلحات علشان الاجيال القادمه
دول طالعين ميح خالص والالفاظ دى مش وارده على لسانى انا سمعت الكلام ده ويدوب نقلته من مصادره انا كنت بسمعه ومعرفش يعنى ايه لحد ماوصلت لترجمه هذه المصطلحات .[b][justify]
