ما هو رد فعلك موضوع جاد جدا ^.^

بينى وبينك مفيش جوايا ليكى اى احساس
ومش عايز اعاتبك ولا الوم فيكى كده خلاص

يا ريتك تفهمى كلامى
وتنسى كل ايامى
انا بصيت لقدامى حبص ورايا تانى ليه

انا وانتى اللى كان بينا
عذاب وارتحنا وبعدنا
هتيلى شيئ بيربطنا
احنن قلبى تانى بيـــــــــــــــــــه

من اقوى اغانى عمرو مصطفى
من احلى الكلمات
اغنيه تعيش العمر كله
رغم كرهى لعمرو مصطفى الا انى بحب الاغنيه دى اوى
وممكن اسمعها بالساعات ومزهقش منها ابدا
كلمات الاغنيه تقطع القلب فعلا

تخيلى بنت بيتقلها كلام بالقسوه والجحود ده
ومن مين من شخص كانت بتحبه
وكان هو كل حياتها
حتى لو حصل بينهم ايه عمر ما كلام زى ده يتقال
وصل انه بيقولها مفيش جوايا ليكى اى احساس

وكتر خيره حرام استحمل كتير
ومش عايز يعيب ولا يغلط فيها
ولازم تنساه وتنسى كل يوم كانت معاه
عشان اللى كان بينهم
كان كله عذاب وجراح
ومش قادر يفتكر ليها ولا يوم حلو

وهى لو عندها كرامه
بعد كل الكلام ده
مش حتنسى حبها ولا الشخص
دى حتكره الحياه كلها
حتكره اليوم اللى اتقابلوه فيه
حتكره الرجاله
بس هو كمل حياته
وعايزها هى كمان تكمل
مش عايز يبص وراه ولا يفتكر ماضيها معاه

يا سلام للدرجه دى
كان جى على نفسه وهو مرتبط بيها
للدرجه دى هى رخيصه اوى عنده

طيب ليه حبها واتعلق بيها!
ليه وعدها بأنه حيحافظ عليها !

بالسهوله دى عايز يخرج من حياتها وهى تتقبل الكلام الجارح ده

وصل ف النهايه انه يقولها
دى غلطه عمرى وحياتى فى يوم ما دخلتى ف حياتى
خلاص انا عدت حسباتى
مضيكى ورايا حرميه
وقربها منه هو العذاب ع حق

السؤال هنا:

الولاد:

انت كولد تقدر تقول كده لبنت كانت حبيبتك
ف يوم من الايام ؟

تقدر تنسى وتعيش حياتك
وتسيب المسكينه دى متحطمه من بعدك؟؟

حتى لو عملت فيك العبر
برضه متهونش عليك تكلمها بالقسوه دى ؟؟؟

.....................

البنات :

لو انتى اتقالك كلام زى ده ؟
حتعملى ايه غير العياط طبعا ؟؟
حتنسيه وتكرهى كل حاجه معاه ؟؟
ولا فعلا حتكملى حياتك وهو بقى اللى كان غلطه انك صدقتيه ودخلتيه قلبك وحياتك ؟؟

هو بصراحة موضوع صعب اوى بس انا مستحيل اقول كدة للبنت اللى بحبها لانى لو مش عايزها كان الكلام دا من البداية مش بعد ما ارتبطتت قلوبنا ببعض واللى يعمل كدة بيكون انسان ندل سورى يعنى فى اللفظ وتقبلى مرورى ندى وننتظر المزيد

طبعا الموضوع صعب شويه و مش بيجى كده قفش ممكن يجى بطريقه الطف من كده انه يحاول يبعد عنها بالتدريج لحد ما تحس انه بيبعد عنها و ان حياتهم مش هتكمل مع بعض و ساعتها هى ممكن تتقبل الموضوع
اما انا بالنسبه ليا لو حبيبى جه قلى كلام زى ده اى ان كان درجه الحب اللى وصلنلها و حسيت انه هيبيع كل اللى بينا فى لحظه بدون تردد هدوس على قلبى و هيبقا ساعتها الانسان ده ميستهلش حبى ليه و هخرجه من حياتى فورا مهما كان
و ميرسى كتير على مرورك ابو على

عندك حق لو حد داس على قلبى وهدوس عليه وخاصه انى مجربه

ميرررررررررررسى ميرا يا قمر على مرورك نورتينى

عندكم حق بس مين اللى وصل البنت لضياع كرامتها بالشكل دا
و أنا اعرف ناس بتهين البنات أخر حاجه
و لكن لو عُرف السبب بطُل العجب
و خلى بالكم من الضمه فـ فى الكلام

و ربنا يستر على ولايانا

المحاسب كتب:: عندكم حق بس مين اللى وصل البنت لضياع كرامتها بالشكل دا
و أنا اعرف ناس بتهين البنات أخر حاجه
و لكن لو عُرف السبب بطُل العجب
و خلى بالكم من الضمه فـ فى الكلام

و ربنا يستر على ولايانا

السلام عليكم ورحمه الله و بركاته
مع احترامى لرئيك مفيش بنت بتوصل نفسها لكده ولا انها تهين كرمتها
ده بيبقا غصب عنها الحب هو اللى ممكن يوصلها لكدة و ممكن برضو الموضوع
يبقا العكس تماما يعنى البنت هى مثلا اللى تقول الكلام ده لحبيبها انها
خلاص مبقاش ليه مكان فى قلبها هيبقا هيبقا ساعتها نفس التعليق ان الولد
بيهين كرمته لا طبعا هيبقا غصب عنه هو كمان و حظه او حظها انهم سلمو قلبهم
للانسان عديم الاحساس سورى فى اللفظ و ميستهلش حبهم و الكلام للبنت و للولد
اللى فى الموقف ده
و ميرسى على مرورك و نورتنى

والله يا نوتي موضوع جميل انا كشاب عمري ما اقدر اجرح مشاعر بنت بالطريقه دي ولا اكسر قلبها مهما عملت فيا
واللي يعمل كدا يبقي مش بيحبها من اساسه لان مفيش حد يحب حد ويجرحه كدا ويدوس عليه بالطريقه دي مهما كانت الاسباب والظروف
وانا من رأي لو بحب والظروف مش مساعده وهننفصل هننفصل بالود والمحبه من غير ما نكون شايلين من بعض
وكفايه اني هكون عشت مع الانسانه دي اجمل ذكريات في حياتي
والمرأه بطبيعتها حنونه ورقيقه استنادا لقول الرسول صلي الله عليه وسلم لابو دجانه
(رفقا بالقوارير)

اللـــــه عمو عاثم عين العقل و المشاعر و الاحاسيس
يســلام لو كل الناس تفكر زيك كده كانت الدنيا بقت
احلى بكتير ميرسر على مرورك اسعدنى تواجدك و نورت موضوعى

ميرسي نووودي

مشكوررررررررررررررة وموضوع تحفة

ميرسى على مرورك ابو عزت نورتنى

» لو إتقالك انت شخصيتك ضعيفه معايا .. رد فعلك هايبقى ايه ؟
» ايهما ااصعب؟؟ الفراق ام الخيانة ام الجرح
» الفــــــــــاضى يدخل هنا(موضوع جامد طحن)
» موضوع يستحق القراءة عن الرقم ( 7 ) ..
» اقتارح استفتاء لاحسن موضوع في المنتدي